Mathilde Alne (i svart jakke) synest baksten til russen var freistande. Pengane ho betalar for bolla ho kjøper, går direkte til aksjonen Krafttak mot kreft.
Foto: Grethe Hopland Ravn
Kickstarta aksjonen med bakst
For andre år på rad er det ingen som får besøk av årets nyutsprungne» på døra, med bøsse i handa. Årets Krafttak mot kreft blir heildigital, og for å kick-starta aksjonen, baud russen på bakst i lunsjpausen.
Det ser unekteleg godt ut med både kanelsnurrar, muffins, sjokoladekake og vaniljebollar som ligg og freistar elevane ved Ølen vgs i matpausen. Men det er ikkje gratis. Minsteprisen på 15 kroner går direkte til årets russeaksjon Krafttak mot kreft.
— Det er oss i aksjonskomiteen som har organisert bakinga, og me har vore heldige, for fleire av våre venninner har også hjelpt oss, fortel Eva Karina Hjelmeland Moe som er PR-ansvarleg under årets aksjon.
Baksten er sjølvsagt gjort på dugnad, så beløpet som kjem inn går uavkorta til aksjonen som også dette året går til forsking på kreftformer som få overlever.
