Får kritikk for slurv i beredskap
Vindafjord kommune har brukt nesten fire år på å lukke avvik i planar for samfunnstryggleik og beredskap, og utan å få dei godkjende. Statsforvaltaren er på ingen måte tilfreds med tempoet i å rydde opp.
I mars i fjor sa Vindafjord kommune seg tilfreds med risiko- og sårbaranalysen (ROS-analysen) som dannar grunnlaget for beredskap og kommunen sine ømme punkt i risiko generelt.
Bakteppet er at kommunen fekk tre avvik i Risiko- og sårbaranalysen (ROS) i 2016. Året etter påpeika Statsforvaltaren i Rogaland at Vindafjord planla alt for lang tid på å rydde opp. Staten sin forlenga arm i Rogaland purra også i 2019 for å få opp tempoet i kommunen sitt arbeid.
Men sjølv om kommunen godkjende sin eigen plan i fjor, er langt frå alt i orden likevel.
