Ei kjent stemme: Vidar Eidhammer frå Skjold trivst godt som journalist i NRK. Med oppgåver i radio er det ingen som kjenner han igjen på gata.
Foto: Privat
Ynskjer å vera eit språklege forbilde
— Eg held på dialekten min, og då er det enkelt å setje tekst om til levande og normalisert nynorsk.
Det seier Vidar Eidhammer (37) frå Skjold. Han jobbar som journalist i Dagsnytt-redaksjonen og er etter kvart blitt ei kjend NRK-røyst. Fleire gonger i veka får han e-post frå lyttarar som kommenterer språket.
— Folk er opptekne av språket, det veit vi. Somme av dei som melder seg, likar ikkje nynorsk, men dei fleste breva kjem frå folk som er seriøst interesserte i målbruk. Dagsnytt og Dagsrevyen er blant dei viktigaste sendingane, og då må vi som jobbar der, akseptere at mange vil at vi skal vere språklege forbilde.
Bachelorgrad i journalistikk
