Sverre Bernard Ihle (90) frå Ilsvåg får her vaksine av sjukepleiar Inger Anne Lothe ved Ølen omsorgssenter som den første i kommunen. No er det tilsette i skular og barnehagar som står for tur.
Arkivfoto: Grethe Hopland Ravn
Framleis liten fart i vaksineringa
Med to leverandørar på vaksinelista ser det litt lysare ut for vaksinetilgangen. I Etne kommune er dei nå klar for vaksinering i gruppa 75 til 84 år og i Vindafjord vil fleire få tilbod neste veke.
Tilgangen på vaksine går framleis tregt, og så langt er berre rundt 3 prosent av befolkninga i Noreg fullvaksinert. På verdsbasis ligg talet på 0,69 prosent. Tal frå Folkehelseinstituttet viste 2. mars at 18.422 personar i Vestland fylke hadde fått to dosar. I Rogaland var talet 11.882 personar. Lokalt viser tala frå FHI at 230 personar i Vindafjord og 127 personar i Etne kommune er fullvaksinert for covid-19.
Både Etne og Vindafjord har nå fått tilbod om vaksine frå to leverandørar samstundes. I tillegg til BioNTech/Pfizer er AstraZeneca å finna på fordelingslista til Folkehelseinstituttet. Det betyr fleire dosar til begge kommunane framover, dersom ikkje fordelingsplanen blir endra vesentleg som følgje av at myndigheitene tysdag gjekk inn for å skeivfordela dosar.
Seinare enn forventa
