Dei siste sju dagane er det registrert til saman 3.134 nye smittetilfelle i Noreg, som gir eit snitt på 447.
Dette er ein minkande trend samanlikna med tilsvarande snitt for sju dagar sidan, som låg på 537.
Ved midnatt natt til tysdag var 5,0 millionar koronatestar utførte her i landet, sidan februar i fjor.
Av dei har 111.162 personar testa positivt, viser førebelse tal frå det nasjonale meldesystemet for smittsame sjukdommar (MSIS).
I alt 1.217.295 personar har fått første dose av koronavaksinen, og 308.426 personar har fått andre dose.
Måndag var 207 koronapasientar innlagde på sjukehus. Det var sju fleire enn dagen før.
Til saman er 736 koronasmitta personar døde i Noreg sidan mars 2020, viser førebelse tal. Om pasientane har døydd av eller med covid-19, er ikkje alltid mogleg å slå fast.
60,3 prosent av alle døde har fylt 80 år. I aldersgruppa under 50 år er det meldt om 16 dødsfall i Noreg.
Oslo
Det er registrert 141 nye koronasmitta i Oslo siste døgn. Det er elleve over snittet dei sju tidlegare dagane.
Oslo-byrådet skal tysdag ha pressekonferanse om tiltakssituasjonen framover. Det er no 13 dagar på rad med under 200 smitta i hovudstaden.
Etter ti dagar på rad med slike tal sa Oslos helsebyråd Robert Steen at tredje bølgje er i ferd med å bli slått ned. Likevel er det venta at byrådet berre vil komme med moderate lettar tysdag.
141 tilfelle er 27 færre enn same dag førre veke. Dei siste to vekene har det i snitt vorte registrert 146 smitta per dag.
Smittetala er høgast i bydelen Stovner. Der ligg smittetrykket på 609 smitta per 100.000 innbyggjarar dei siste to vekene. Etter det følgjer bydelane Grorud (541) og Søndre Nordstrand (516).
Bydelen Nordre Aker har for tida dei lågaste smittetala. Der er smittetrykket på 107 smitta per 100.000 innbyggjarar dei siste to vekene.
Totalt er 33.159 Oslo-borgarar registrerte smitta sidan mars i fjor.
