— Kompostering skal vera enkelt
Korleis ein med enkle grep kan omdanna hageavfall og matrestar til jord stod på programmet då Marta Onstein og Atle Aas i Etne hagelag inviterte til komposteringskurs heime i hagen.
Kompostering er ein lettvint og effektiv metode for å løysa problem med matavfall og hageavfall. Prosessen reduserer volumet på avfallet til eit minimum og blir etter eit par år omdanna til fin og næringsrik jord som kan brukast både inne og ute som gjødsel og jordforbetring.
Då Etne hagelag inviterte til koronatrygt komposteringskurs heime i hagen til hagelagsleiar Marta Onstein og ektemannen Atle Aas, stod både varm-, kald- og Bokhasi-kompostering på programmet. Alle kompostringsformene krev minimalt med arbeid og ved bruk av enkle hjelpemiddel kan dei fleste lukkast med heimekompostering.
— Kompostering skal vera enkelt og lite arbeidskrevjande, seier Atle Aas og viser fram komposteringsavdelinga i den romslege hagen i Litledalen.
