Janis Sivertsen har brukt halve livet på å koma på rett kjøl. Endeleg kan han kryssa av 2 år og 7 månadar som rusfri - og meir skal det bli. Takka vera ruskonsulent i Vindafjord og opphald på Bolkesjø på Notodden, har han fått livet i gåve igjen.Foto: Grethe Hopland RavnBilde 1 av 2
Ruskonsulent i Vindafjord, Elin Kvanvik og Janis Sivertsen har eit tett og godt forhold. Kvanvik droppa samtalane på kontoret for å nå inn til Sivertsen, og drog han heller med på toppturar. Det var gull verd.
Han vil bruka eigne erfaringar til å jobba med rusavhengige
Det er ein heilt annan Janis Sivertsen som møter Grannar til ein prat, enn mannen som har møtt lokalavisa fleire gonger tidlegare. Glad i blikket, opplagt og rundt 20 kilo tyngre enn sist. 39-åringen frå Ølen har stått fram med frustrasjonen over livet som narkoman i eit bygdesamfunn. Han har følt seg som ein spedalsk og utsøytt av samfunnet, og han har sakna eit verdig liv.
No har han nettopp det. Eit verdig liv. Endeleg!
— Eg har det utruleg godt. Eg har alt eg treng og alt eg kan ønska meg, seier han.
