Ser på ladestasjoner ved rasteplasser

– Vi har no starta arbeidet med å sjå på korleis vi målretta kan leggje til rette for ladestasjonar langs riksvegnettet og gi brukarane av vegnettet god føreseielegheit, seier divisjonsdirektør Per Morten Lund, i Statens vegvesen, Transport og samfunn, i ei pressemelding.

I desember 2020 blei det fastsett ein strategi for framtidig rasteplass-struktur, der det vert opna for å etablere ladestasjonar på hovudrasteplassar og for tunge køyretøy på døgnkvileplassar.

– Den raske teknologiske utviklinga bidrar til at uvissa om transportmiddel og energiberarar i framtida aukar med tidshorisonten. I vegsektoren gjeld dette spesielt tyngre køyretøy. Derfor har vi engasjert Multiconsult i arbeidet med å skaffe oversikt og kunnskapsgrunnlag. Vi ser no på ulike løysingsforslag rundt desse temaa, seier Per Morten Lund.