Vats bygdekvinnelag organiserte fint innslag på 17-mai, då feiringa blei avlyst grunna korona. Fremst f.v.: Bente Hustoft (t.v.), Liv Anne Gryte og Trine Helleberg.Arkivfoto
Skal flagga for bygdekvinnene
Laurdag 3. april fyller Vats bygdekvinnelag 70 år, og når koronapandemien set ein stoppar for all feiring, markerer bygdekvinnene dagen med å flagga for seg sjølv langs vegen.
Planen var å feira 70-årsdagen på høgtidleg vis, men når ein pandemi slår innover land, blir det meste sett på vent. Likevel er det ein 70-åring i Vats komande laurdag, og for 3. April 1951 såg Vats bondekvinnelag dagens lys. Det var i alle fall då dei hadde sitt aller første styremøte. For å markera dette kjem alle noverande, og tidlegare medlem av Vats bygdekvinnelag til å henga ut eit flagg ved postkassestativet sitt på laurdag. Dermed kan alle få sjå kor mange eldsjeler det finst i bygda.
Viktig for bondekvinnene
Då bondekvinnelaget, som bygdekvinnelaget heitte for 70 år sidan blei skipa, blei siste onsdag kvar månad sett av til møter for bondekvinnene. På denne tida var desse kveldane kjærkomne frikveldar i ein travel kvardag, der målet var å vera eitt stort lag som sto på for kvarandre – og andre.
