Klar for utbygging.Prosjektleiar Reidar Våge t.v, teknisk leiar Trond Vetås, produksjonsleiar Signe Jordal og Leiv Anfin Drange frå Omega Areal.
Foto: Irene Mæland Haraldsen
Snart klar for utbygging
Etter at styret i sjømatselskapet Mowi nyleg gav tommel opp for utbygging av smoltanlegget i Fjæra, går det mot byggestart alt i sommar.
— Nå er det bestemt. Styret har godkjent prosjektet. Me i region sør er glad for at styret ser positivt på utbygging. Dette blir eit flott anlegg, seier ferskvassleiar og prosjektleiar for utbygginga, Reidar Våge og står klar til å ta det første spadetaket så snart alle nødvendige løyve er på plass.
Det nye anlegget aust i Etne kommune vil få plass vegg-i-vegg med dagens anlegg på Fjæra og vil dekka eit område på rundt fem mål. Det er om lag på storleik med dagens anlegg.
Utbygginga aukar kapasiteten på anlegget betydeleg og gjer det mogeleg for bedrifta å auka snittvekta på smolten frå 200 gram til 700 gram før den går i sjøen. To store fisketankar, eitt serviceanlegg med tre hyblar for vaktpersonell, rassikring på oppsida av E134 og delvis omlegging av eksisterande veg inne på området, inngår i prosjektet. I tillegg skal deler av området beplantast og pyntast.
