Det viser FHIs vekerapport for veke 18. Ifølgje rapporten auka talet på melde tilfelle i Agder med 17 prosent, i Rogaland auka det med 135 prosent, i Vestfold og Telemark med 81 prosent og i Vestland med 26 prosent.
FHI nemner særleg Rogaland og Vestfold og Telemark i rapporten sin. Utviklinga i Rogaland blir knytt til eit utbrot hos russen.
– Utviklinga i fylket er i stor grad påverka av situasjonen i Stavanger og Sandnes. Det har vore eit utbrot blant russen i Sandnes, med tilfelle i 9 andre kommunar. Både personar testa og delen positive blant dei testa gjekk opp i veke 18 samanlikna med veke 17, skriv FHI.
I Vestfold og Telemark kjem auken av utbrot i Skien, Porsgrunn og Holmestrand knytt til rusmiljø og unge vaksne, med spreiing til skular og husstandar.
Smitten gjekk på den andre sida ned i Oslo, Møre og Romsdal og Innlandet. Oslo har likevel framleis flest melde tilfelle per 100.000 innbyggjarar.
— Auken i tal på melde tilfelle sist veke kan i hovudsak skuldast ein auke i aldersgruppa 13–19 år. Talet på melde tilfelle auka med 57 prosent i denne aldersgruppa i veke 18, skriv Folkehelseinstituttet (FHI).
Det vart rapportert om 66 nye innleggingar på sjukehus i veke 18, omtrent uendra frå veka før. Nedgangen i innleggingar held fram i Oslo og er stabilt i Viken. I Vestfold og Telemark og Agder var det derimot ein auke med nye 9 innleggingar i veke 18.
Reproduksjonstalet er anslått til 0,7 frå 16. april. Med ein meir usikker modell som ikkje tek omsyn til sjukehusinnleggingar, anslår dei at R-talet sidan veke 18 er 1,0.
