Tolv barn frå førskulegruppa i Vikedal FUS barnehage fekk tjuvstarte på Barnas Museumsstafett i regi av Haugalandmuseet. Alle laga sin eigen blekksprut med assistanse av Tove Selås og Monica N. Haugan i museet, og bakarst Kristin Schibevaag og Anne Marie Blikra frå barnehagen.
Foto: Jon Edvardsen
Ein tjuvstart på sommarstafetten
Tolv barn i Vikedal er i gang med å lage versjonen sin av Anton Akkar som prydar eit stempelkort for Haugalandmuseet sin stafett i sommar. Museet håpar familiar blir med på stafetten til sommaropne museum i regionen.
— Eg vil kalle den Mina, seier Mathea Holten Leifsen.
— Blekkulf er namnet på min, svarer Jone Halleraker på spørsmål om blekkspruten som blir trylla fram av strikkegarn og auge å feste på.
Andre vil gjerne kalle blekkspruten opp etter mamma eller pappa.
