Auke i tjuveri utført av barn

Blir du anmeldt for eit mindre tjuveri og er under 15 år, blir saka di overført frå politiet til Konfliktrådet. Mekling i konfliktråd gir då partane ein muligheit til å snakka saman om det som har skjedd, samt at ein får lov til å ta ansvar for det ein har gjort.

Eva Kristin Solvik, leiar i konfliktrådet Sør-Vest, opplyser at dei legg til rette for at den mindreårige kan få møta den andre parten, som for eksempel kan vera butikkeigaren.

— Da kan dei snakka saman om korleis dei opplevde det som har skjedd. Ein nøytral meklar leiar møtet, men det er opp til møtedeltakarane sjølv å lage ein avtale på korleis det som skjedde kan gjerast godt igjen», seier Solvik, i ei pressemelding.