Dagleg leiar, Lars Norekvål i Ølen Betong.
FOTO: ØLEN BETONG
Ølen Betong: Nedgang i omsetning – godt resultat
Ølen Betong hadde ein omsetning på 585 millionar kroner og eit resultat etter skatt på 19 millionar kroner i 2020. Bortfall av utbytte svekkar resultatet samanlikna med året før
— Ølen Betong AS hadde eit godt år i 2020, og er så langt ikkje vesentleg påverka av covid-19-pandemien, opplyser selskapet i ei pressemelding.
Årsrekneskapen til konsernet med adresse Ølensvåg viser ein omsetning i 2020 på 585 millionar kroner mot 611 året før. Nedgangen skuldast primært utsetjing av enkelte prosjekt for Divisjon Element som leverer prefabrikkerte betongelement til tunnel og samferdsel.
Driftskostnader er stabile i forhold til omsetning. Driftsresultat før avskrivingar (EBITDA) er 41 millionar i 2020 mot 40 millionar året før.
