Her tek Jonas Maurangsnes sitt første hopp frå det øvste platået i det nye stupetårnet i Vikebygd. Pappa Vidar Maurangsnes ventar i sjøen.
Foto: Anita HauglandFOTO: Anita Haugland
Sveva over badeplassen
Jonas Maurangsnes (8) har aldri hoppa høgare enn då han svevde frå det nye stupetårnet i Vikebygd.
Søndag var det mykje aktivitet ved det nye stupetårnet i Vikebygd som blei innvigd denne helga. Jonas Maurangsnes (8) frå Vikebygd var blant dei tøffaste som hoppa frå det øvste nivået. Her er det fem-seks meter ned, avhengig av flo og fjære.
— Det er første gongen eg hoppar så høgt, fortel 8-åringen.
Han byrja frå det nedste nivået før han jobba seg oppover.
