Turisthandelen har auka meir i Etne
Innbyggjarar frå andre kommunar har lagt igjen 24 prosent meir pengar lokalt sidan 2019. På landsbasis er auken 34 prosent. Auken i Etne kommune ligg like over dette.
I DNB sin sommaranalyse kan ein få eit nærmare innblikk i korleis norske DNB-kundar brukar pengane sine om sommaren. Utflytta ølensbu, Anders Hundhammer, er utdanna siviløkonom og jobbar hos DNB i Oslo. Han er blant dei tilsette som har jobba fram sommaranalysen.
Brukar meir i Norge
— Ferievanane til nordmenn har sjølvsagt endra seg på grunn av covid-19. Berre ein tredjedel av pengane som blir brukte på ferie, blir no brukt i utlandet. Tendensen i år og i fjor er omtrent den same. Samanlikna med 2019, er det ein betydeleg mindre del av pengane som blir brukt i utlandet, seier Anders Hundhammer til Grannar.
