Mannskoret Vibran frå Haugesund opna festivalen i Skjold.
Foto: Jon Edvardsen
Song for ei god sak
Vel 150 tok turen til festivalen Haugesund Rotifunk stelte i stand i Skjold. Kultur og underhaldning, men den underliggande bodskapen var hjelpearbeidet organisasjonen driv i Sierra Leone.
Det var eit sakte arrangement over fleire timar og mange hadde tatt med seg niste til å nyte i friluft i løpet av ettermiddagen. Fleire lokale krefter deltok.
Det heile starta med Mannskoret Vibran frå Haugesund som serverte fleire songar, med Vamp sin Tir n’a Noir som avslutning av denne seansen.
Initiativtakar Martin Thormodsen i Rotifunk stilte opp med det ein kan kalla ein protestsong av Bjørn Eidsvåg, og som Thormodsen også kompa til med gitar og munnspel. Songen Se i nåde til oss, om uretten som er ubehageleg å gripe fatt i.
