Etter stortapet mot Avaldsnes i førre runde, var Etne i aksjon mot eit anna topplag heime torsdag kveld. Haugar var motstandar, og publikum hadde ikkje ein gong funne plassane sine før Kristoffer Grønstad var frampå og sette inn 1-0. Dette stod seg inn til pause, i ein omgang der heimelaget hadde god kontroll, og kunne auka leiinga sjølv.
Åtte minutt ut i den andre omgangen dobla Etne leiinga. Det var midtstoppar og kaptein Oskar Kringlebotten som nikka inn eit hjørnespark frå venstre. 3-0 kom òg etter corner, og den var det Sigbjørn Sævereid som fekk tuppa inn. Heilt på slutten fekk innbyttar Sindre Kringlebotten æra av å skåre det siste målet etter ei fin avslutning. Alt i alt ein overlegen siger til Etne, med solide prestasjonar over heile bana. Nord leiar tabellen med full pott etter fem kampar, medan Etne ligg på tredje plass med ni poeng på fire kampar. Nå går det to veker til laget igjen er i aksjon i 5. divisjon, då med borteoppgjer mot Hemmingstad. Før det vert det cupmøte med naborival Vats/Skjoldar i Vats måndag 4. oktober.
