Nei til monstermaster frå Blåfalli til Gismarvik

Me er ei gruppe, som med stor støtte frå folket, arbeider for at ny kraftoverføring frå Blåfalli i Kvinnherad til Gismarvik skal førast mest mogleg i sjø– og jordkabel.

Det er viktig å presisere at me ikkje er imot at Gismarvik og Haugaland næringspark skal få kraft frå Blåfalli.

Haugaland næringspark er ifølge dagleg leiar Tiril Fjeld Noregs største næringspark. Dei satsar stort på den nyaste teknologien innan fornybar energi. Det grøne skiftet står i fokus. Dei er klare for nye grøne arbeidsplassar, seier Fjeld (Haugesunds Avis, 09.08.21). Det undrar oss at Noregs største næringspark, som er så framtidsretta og grøn, ikkje tenker miljø når det kjem til transport av energien frå Blåfalli.