Reiste til mor og far i Skånevik etter valsigeren

For fire år sidan skreiv Terje Halleland (Frp) historie då han var den første frå Vindafjord kommune som hamna på Stortinget. Denne gongen får han følgje med Tove Elise Madland (Ap) og Lisa Marie Ness (Sp).

— Det er himla kjekt med tre frå Vindafjord. Det er godt å ha lokale folk å lena seg på i saker, seier ølsbuen Lisa Marie Ness Klungland og er hoppande glad for årets valresultat som sikra ho ein plass på Stortinget.

Dagen etter valet tok ho turen til foreldra som flytta til Skånevik for ti år sidan, for å feira og slappa av nokre dagar.