Avslutta med hytteopning
Cirka 150 personar tok turen for å vere med på opninga av dagsturhytta Leiteshaugen i Etne. Det var ein tydeleg stolt Morten Odeen som avslutta sitt siste prosjekt som kulturleiar i kommunen.
— Dette er ein stor dag for alle, uttrykte Odeen til forsamlinga. Han gratulerte heile kommunen, som nå har fått eit lågterskel turmål berre 20 minutts til fots frå parkeringsplasen på Rus.
Stor stemning
Odeen, som leia hytteopninga denne laurdagen, hadde med seg fleire talarar, så vel som eit musikalsk innslag frå countrygruppa Makalaust. Ordførar Mette Heidi Bergsvåg Ekrheim klypte ei snor som symbolsk blei haldt av Liv Tungesvik frå Skånevik Pensjonistforening og unge Linnea Berge Martinsen på kvar sin ende.
