Kåre Knall er ein av figurane me får treffa når Frank Abelseth og co. inviterer til Bygdakjekt på Skakke. Arkivfoto
Lagar show om å ha det kjekt
Frank Abeltseth – alias Kåre Knall – står i bresjen for showet på Skakke, som vil gå for smekkfullt hus. Målet med kvelden er rett og slett å arrangera ein kjekk kveld på bygda, med bygdepatriotar i fleng på scenen.
Det heile starta som eit oppdrag til eit lukka arrangement i fjor, der Frank Abelseth fekk med seg Reinhart Toresen for å laga litt ablegøyer og festlege innslag. Dei fekk med seg nokre fleire musikarar på laget, og var klare for eit innslag på ein halvtimes tid. Så kom koronabølgje nummer to, og heile showet blei lagt på is.
— Me måtte avlysa berre tre dagar før, og det var jo kjipt når me hadde det heile klart. Så gjekk det eit halvår, og så byrja folk å røra litt på seg igjen. Då kjende me alle på at me gjerne ville visa det me hadde for folk, men då måtte underhaldningsdelen vera ein del av noko anna. Skulle me laga ei heilaftan, måtte me byggja på med fleire innslag, fortel Abelseth.
Satsa høgt
