Dagleg leder i Omega 365 Solutions, Svein Tore Haraldseid (t.v.), og Håkon Isdal Selmer, prosjektstyringssjef i Bane NOR, er godt fornøgd med avtalen som selskapa nå har signert.
Foto: Bane NOR
Signerer prestisjekontrakt med Bane Nor
Omega 365 Solutions i Ølensvåg har inngått ein stor og prestisjefylt kontrakt med Bane NOR. Verdien er på 53 millionar kroner.
Avtalen dotterselskapet i Omega 365-konsernet har inngått avtale med Bane NOR, gjeld levering og implementering av eit heilskapleg IKT-prosjektverktøy. Løysinga som skal leverast, blir seld under varemerket Omega 365; som er ei ny skyplattform for styring av prosjekt som selskapet i Ølensvåg har stor tru på.
Leveringa startar opp nå i oktober. Det fullintegrerte prosjektstøttesystemet vil dekka alle fagområde for prosjektgjennomføring, og skal ha fleire tusen brukarar.
— Me ønskjer å samarbeida med dei store aktørane for å utarbeida den beste praksis i bransjen, seier dagleg leiar i Omega 365 Solutions, Svein Tore Haraldseid, i ei pressemelding.
