Er innom Åkrafjordvegen på nostalgisk reise
Halvor Folgerø (54) tar lesaren med på ei spennande, dramatisk og nostalgisk reise på nokre av landets villaste vegar. Sjølvsagt er Åkrafjordvegen via god plass i boka.
Det er kjærleiken og interessa for vegar og historiene bak desse, som har fått NRK-journalisten, musikaren og forfattaren frå Stord til å skriva boka Vestlandsvegar. Undertittelen Historier om farlege og spektakulære vegstrekk gir eit hint om at det ikkje berre har gått fint for seg verken når vegen skulle byggast eller køyrast på.
— Ideen kom då eg i 2016 var i fjellbygda Jordalen i Voss og lagde ein reportasje til NRK. Eg blei fanga av dramatikken og tenkte at her må det vera meir interessant stoff å finna, seier Folgerø til Grannar.
Første biltur
