Nytt liv i Halvfjordingen

Odda-investoren Tor Petter Stensland er tilbake på Rullestad camping. I 2018 vart det rabalder på Rullestad då den mangeårige styreleiaren i Halvfjordingen AS, som eigde campingplassen og hadde eit 30-tals aksjonærar, prøvde å ta kontrollen i selskapet. Det enda med at han vart kasta som styreleiar.

Nokre månader seinare vart selskapet slått konkurs.

Etter eit mislykka forsøk på å få til ny drift på Rullestad i regi av andre eigarar, gjennom selskapet Camp Rullestad AS som vart slått konkurs i november i fjor, er det no klart for Stensland-comeback på den flotte campingplassen ved Rullestadvatnet.