Speiding i eit halvt hundre år

Utanfor kyrkja i Skjold står ein gjeng unge speidarar og øver på å knyta knutar. I dag er det båtsmannsknop som står på programmet, og med god hjelp frå speidarleiar Sigbjørn Mortveit får den ivrige gjengen til å skøyta to løkker saman til ein knute.

— I dag har me lært å laga knutar. Me har lært å laga spiddepinne, tenna bål og bruka kniv, seier 8 år gamle Marcus Tjelmeland Hustoft frå Skjold og viser fram den flotte båtsmannsknopen han nett har laga.

Han er ein av fleire unge som hadde sitt første møte med speidaren i haust og likar seg svært godt.