NPK-NTB: Det siste døgnet er det registrert 1.761 nye koronasmitta personar i Noreg. Det er 229 fleire enn same dag førre veke.
Dei siste sju dagane er det i snitt registrert 1.700 koronasmitta per dag. Tilsvarande snitt for sju dagar sidan låg på 1.396, så trenden er framleis stigande.
Måndag var 225 koronapasientar innlagde på sjukehus. Det var 35 fleire enn dagen før.
53 av pasientane ligg på intensivavdeling, og blant dei er 35 på respirator. Det er fem færre på intensiv og sju fleire på respirator samanlikna med dagen før, ifølgje Helsedirektoratets oversikt.
I alt har 230.287 personar testa positivt for covid-19 i Noreg sidan pandemien braut ut. Til saman er 951 koronasmitta personar døde i Noreg sidan mars 2020, viser førebelse tal.
Hei!
Du må ha eit aktivt abonnement for å lese vidare.
