Du har kanskje høyrt at nokon meiner at Noreg bør få tilbake Jämtland, eit svensk landområde ved grensa mot Noreg som Danmark-Noreg vart tvungen til å gi frå seg i samband med ein fredsavtale i 1645? Det snart 400 år gamle kravet» om tilbakeføring har førebels runne ut i sanden.
Kommunar og fylke
Ikkje fullt så mange år har det versert ei liknande problemstilling i Etnefjella. Mellom nabokommunane Etne og Sauda, og dermed også mellom Rogaland og Vestland fylke. Her handlar det rett nok ikkje om at Erling Skakke eller andre maktmenn frå Etne har gitt frå seg land for å fred med naboen i søraust. Men at 660.000 kvadratmeter Etne-fjell ved eit pennestrok, eller liknande, vart gjort til Sauda-land.
