Fabrikksjef Britt Randi Stokkevåg og resten av Nortura i Sandeid er tilbake på jobb.
Arkivfoto: Jon Edvardsen
Juleferie skånar frå dataangrep
Nortura opplever eit dataangrep mot bedrifta. Ein etter det fabrikksjef Britt Randi Stokkevåg beskriv vel unt juleferie sørgjer for at dette truleg ikkje får nokon konsekvensar i Sandeid.
— Alle tilsette har ein velfortent ferie etter ein god haust og juleførebuingar, seier Stokkevåg når Grannar tar kontakt onsdag ettermiddag.
Som Grannar og fleire andre mediar har omtala blei Nortura seint tysdag kveld utsett for eit dataangrep. På nettsidene melder selskapet at dei som følge av angrepet har stengt ned IT-systema og fjerna internettilgangen i lokala sine, for å minimere mogleg skade på system og operasjonar.
Selskapet skriv at dei arbeidar med å få ei fullstendig oversikt over situasjonen og omfanget, samt legge planar for å handtere konsekvensane av den oppståtte situasjonen. Prioriteten er sikring av data og stabilisering av systema. Hendinga er varsla til politiet.
