Fatland betalar mest skatt

Fatland Ølen AS var det selskapet som betalte mest skatt i Vindafjord i 2020. Stavanger Aftenblad har presentert ei liste over dei 47 selskapa i Rogaland som betalte mest skatt i 2020, og der er Fatland Ølen AS på 16. plass. Slakteriet betalte 37,1 millionar kroner i skatt dette året.

Granberg AS på Bjoa er det andre selskapet frå Vindafjord på lista med ein 23. plass. Selskapet betalte 29,1 millionar i skatt i 2020.

På skattetoppen i Rogaland er Equinor ASA med nesten 1,2 milliardar og SR-Bank ASA med nesten 668 millionar kroner i skatt. I tillegg til dei to selskapa frå Vindafjord, har Nord-Rogaland tre andre på lista.