Justisministeren lovar styrking av politiet i distrikta

I første omgang blir det rulla ut 146 faste politistillingar i distrikta. I tillegg vil det komme fleire stillingar gjennom året som følgje av at regjeringa styrkjer politiet med 200 millionar kroner i budsjettet for 2022, opplyser Mehl.

– Senterpartiet og Arbeidarpartiet er no for alvor i gang med å snu den massive sentraliseringa av politiet som Høgre og Frp stod bak, seier Mehl.

Ho er tydeleg på at stillingane skal bidra til eit synleg og operativt politi i heile landet og dessutan til å styrkje førebygging og etterforsking av kriminalitet.