Tok steget ut og platedebuterer

Vikedalsbuen er kjent som kommunalsjef i Vindafjord og primus motor for koret KOR´e Vindafjord. Ved sida av yrkeskarriere har Nils Erik Eide vore ein aktiv musikar på hobbybasis og som innleigd artist, både solo og saman med andre.

Som plateaktuell artist kallar han seg Nilsy og første singel har fått tittelen Jentene på benken. Låten er spela inn i ABC studio i Etne.

— Eg gjer dette litt for jentene mine. Dei har høyrt låten sidan dei blei fødde, og nå når dei er blitt ni og sju år gamle fann eg ut det var på tide å hoppa i det, seier Eide.