Lokalt turselskap gir full gass
Reiselysta er i ferd med å ta seg opp igjen etter lange periodar med koronaprega reiserestriksjonar, og for mange kriblar det litt ekstra i reisefoten når det nå stundar mot vår og sommar. Ved Knapphus Buss i Vats blei det bråstopp i etterspurnaden då koronaviruset gjorde sitt inntog i mars for snart to år sidan, men nå står turbussane igjen klare til å ta kundane med på nye eventyr.
— Me hadde fulle ordrebøker, men så kom kanselleringane. Då blei det bom stopp. Men nå startar det opp igjen, seier turkonsulent i Knapphus Buss, Per Martin Kjellesvik, og har planane klare for høgsesongen som snart står for døra.
Skreddarsydde turar
