Over 1 million har lagt på flukt frå kamphandlingane i Ukraina og tatt seg inn i EU-land. Her ein grenseovergang ved Medyka i Polen.
Foto: Markus Schreiber / AP / NTB
Vil opna døra for krigsflyktningar
Dei brutale krigshandlingane i Ukraina har sendt millionar av menneske på flukt. Nå rustar Etne og Vindafjord seg for flyktningbølgja som ventar og ønskjer å opna dørene for folk i nød.
Kvar dag kan ein sjå tv-bilde av byar som blir lagt i grus av russiske bomber og folk som fortvila prøver å flykta vekk frå dei grufulle krigshandlingane. Mange prøver å koma seg over grensa til nabolanda i vest for så å ta seg vidare til andre land i Europa, og Eu-kommisjonen har nyleg innvilga mellombels beskyttelse til alle som flyktar frå Ukraina. Det betyr at folk i ein massefluktsituasjon kan få beskyttelse på bakgrunn av ei gruppevurdering og ikkje på ei individuell vurdering, og kan bli gitt mellombels opphaldsløyve for eitt år om gangen i inntil tre år.
Måndag sist veke kom dei første flyktningane til Noreg og det store fleirtal av norske kommunar har sagt seg villige til å bidra i dugnaden for å hjelpa menneske på flukt. Ei kartlegging KS har gjennomførte sist veke viser at 278 av 281 kommunar her til lands har sagt ja til å ta busetja fleire flyktningar.
Opnar dørene
