Anders Hundseid er både konsernsjef i milliardkonsernet Fatland og bonde.Pressefoto
Ber om krisemøte med landbruksministeren
Fatlandkonsernet fryktar at dårleg økonomi i landbruket fører til at gode bønder sluttar, og unge ikkje vågar å satsa på ei framtid som bonde. Sjefen slår alarm.
Nå ber konsernsjef i Fatland, Anders Hundseid, om å få møta matstatsråden for å diskutera den krevjande situasjonen. I tillegg har han sendt ei tydeleg bekymringsmelding til statsministeren sitt kontor og næringskomiteen på Stortinget.
— Bøndene har aldri hatt så dårleg økonomi som nå. Me meiner at det trengst målretta krisepakkar frå Stortinget. Dette haster – det er nå på våren bøndene legg grunnlaget for matsikkerheita til vinteren, seier sjefen for det private milliardkonsernet med hovudkontor i Ølen, i ei pressemelding.
Han slår fast at lønsemda til bøndene aldri har vore så låge som nå, og aldri før har krava til den norske bonden vore tøffare.
