Mange nordmenn tørstar etter sol og varme etter to korona-år. Her frå stranda ved Elviria litt utanfor Marbella by på solkysten i Spania.
Foto: Geir Olsen / NTB / NPK
Forsikringsselskap åtvarar før påskeferie utanlands: Berekn god tid
Å reise ut av landet går framleis ikkje like saumlaust som før pandemien. Forsikringsselskap ber nordmenn berekne god tid på påskeferie utanlands.
Ifølgje charterselskapa er reiselysta til nordmenn tilbake for fullt. Både Tui og Apollo melder om fulle sydenfly i påska. Men korona set framleis ein stoppar for ein del som skal utanlands.
Kommunikasjonsdirektør Andreas Bibow Handeland i If og Europeiske Reiseforsikring seier at forsikringsselskapet får mange førespurnader frå nordmenn som aldri får reist på grunn av korona hos seg sjølv eller nokon i familien sin.
– Vi får no rundt 4.500 telefonar inn til oss kvar månad, og mange av desse dreier seg om avbestillingar av reiser som følgje av korona, seier han.
Bereknar for lite tid
