Stal planter

Natt til tysdag blei fleire salsplanter utanfor Sandeid Handelslag stolne. Det er mest thuja-buskar som er forsvunne, og merkeleg nok har tjuvane sett plastpottene tilbake i utstillinga.

— Saka er ikkje, og vil ikkje bli, meldt til politiet, men me skal kikke på video frå overvakingskamera for å finne ut om dei gir nokre svar, fortel dagleg leiar i handelslaget, Olaug Mari Øen.

Ho beskriv at tjuveri ikkje er noko stort problem for dei, men at det er keisamt om dette skulle gjenta seg.