Stelte godt med påsketrafikantane

Reine bilvindauge er viktig for å ferdast trygt i trafikken og ved Circle K i Ølensvåg fekk alle som svinga innom fredag ettermiddag gratis påfyll av spylarvæske. Tilbodet var ein del av NAF sin faste påskeaksjon der frivillige frå NAF stiller opp for å koma med gode råd til vegfarande.

— Det har gått i eitt i dag og me har fylt på mykje spylarvæske. Det er viktig med reine vindauge. Circle K spanderer spylarvæske og is, seier Kjell Høyvik frå Tysvær.

Han er ein av tre godt vaksne karar frå NAF sin avdeling i Haugesund som frivillig stiller opp på NAF sin faste påskeaksjon på Circle K stasjonar rundt om i distriktet for å dela ut gode råd for trygg påskeutfart og sikra at tanken for spylarvæske er full før påsketuren.