Guri Ravatn (SV) meiner det er på høg tid at det blir mobildekning langs E134. Her frå i 2022.
Arkivfoto: Irene Mæland Haraldsen
Ber om fortgang for mobildekning
Å få full mobildekning langs heile E134 gjennom Vindafjord kommune har lenge stått på ønskjelista til Guri Ravatn (SV). Nå ber ho ordføraren ta tak.
Manglande og ustabil mobildekning langs E134,og særs ved kommunegrensa på Fikse er ei utfordring for folk som ferdast og bur i området. Saka har vore belyst i kommunestyret i Vindafjord kommune fleire gonger, og nå meiner Guri Ravatn at det er på høg tid at ein får fortgang i utbetring av mobildekninga langs den sterkt trafikkerte europavegen.
— Det skjer så lite. Kvar gjer kommunen for å få fortgang. Vindafjord SV har over fleire år tatt opp spørsmål om sikker mobildekning langs E134. For eitt år sidan, i samband med handsaming av plan for sikkerheit og beredskap, føreslo SV at mobildekning skulle inn på handlingsplanen. Dette vedtok kommunestyret, men ingenting har skjedd, seier kommunestyrerepresentant Guri Ravatn.
Ho peikar mellom anna på manglande og ustabil mobildekning over Fikse for å sikra tryggleiken både til dei ferdast langs vegen, oppheld i området og til dei som bur der.
