Dronning Sonja gav audiens for Oslo Håndverks- og Industriforening(OHIF) i høve utnevninga til årets Æreshåndverker. Frå venstre: Kommunikasjonssjef Hilde Robberstad Bergh, styreleiar Bjørn-Gunnar Eliasen, Dronning Sonja og administrerande direktør Eivind Andersen.
Foto: Sven Gj. Gjeruldsen, Det kongelige hoff
Delte ut pris til dronninga på slottet
Kommunikasjonssjef i Oslo Håndverks- og Industriforening (OHIF) Hilde Robberstad Bergh (47) frå Etne var med då foreininga besøkte slottet for å overrekke Hennar Majestet Dronninga diplom som Æreshåndverker. Etnebuen hadde eit hyggeleg møte med den folkelege Dronninga.
— Det var sjølvsagt høgtidelig å vere på slottet. Me kom i eit ærend Dronning Sonja sette veldig pris på. Ho var godt førebudd og imøtekommande, fortel Robberstad Bergh.
Dronninga er den første som får denne utmerkinga som er oppretta for å heidre ein person om har utmerka seg innanfor sitt felt, gjort ein betydeleg innsats for samfunnet generelt og/eller handverksfaga spesielt. Dette i kraft av sitt arbeid og/eller sitt personlege engasjement.
God representant
