Ukjent krav. Det er rasteplassen med parkering på taket av besøkssenteret som gjer at Vegdirektoratet har definert taket som brukonstruksjon på ein offentleg veg.ILLUSTRASJON: HOLON/Pål Stolt-Nielsen Reksten
Nytt krav set Langfoss-prosjekt i fare
Eit nytt skjær i sjøen skaper uvisse for Langfoss Besøkssenter. Men Nina Kaltwasser og dei andre investorane gir ikkje opp.
Hausten 2019 var prosjektet under det spektakulære fossefallet like ved E134 i Åkrafjorden byggeklart, då nye skjerpa krav om rassikring overraskande dukka opp. Dermed måtte det ein ny runde til for å endra prosjektet. Seinast i november 2021 kunne Grannar skriva at det var byggestart før jul for signalbygget, og at det 450 kvadratmeter store servicesenteret med plass til både butikk, kiosk, servering og toalett, kunne opnast før årets turistsesong. Men slik skulle det ikkje gå.
— Det kom eit overraskande krav frå Vegdirektoratet om at bygget må sjåast på som ein brukonstruksjon, noko som medfører kontroll og gjennomgang av berande konstruksjonar. Dette tar fleire veker å få behandla, samstundes som me får ein meirkostnad som me ikkje kan forsvara, seier Nina Kaltwasser, ein av investorane i Langfoss Eiendom AS, til Grannar.
Ikkje fanga opp
