Reiste heim med sekkane fulle av medaljar
Laurdag stilte Etne Kyokushin karateklubb med Young fighting team» på stemnet Bryne Open. Det resulterte i seks medaljar, til stor glede for coach Beathe Hegerland (32) og resten av støtteapparatet.
— Alle gjorde ein fantastisk god innsats, og me hadde ein super dag på stemnet med ein utruleg fin gjeng, seier Hegerland.
Dette var det første skikkelege stemne for dei unge karatetalenta. Annika Tökès Krokå og Tommy Siimsen tok gull i sine klassar, Solfrid Lønning Haaland og Liv Sophie Queiroz Fosse tok sølv, mens Jan Filip Jensen og Matteo Atthalin tok bronse.
— Eg og lagleiarane Frode Robberstad, Frode Haaland og Tommy Knutsen er kjempestolt over gjengen som har stått på og jobba hardt i forkant av dette, fortel Hegerland.
