Rundt 50 personar møtte fram då NVE hadde synfaring til Strypeheia i Etne juni i fjor.
Arkivfoto: Grethe Hopland Ravn
Møtte NVE og Statnett på Strype
Rundt 50 personar blei onsdag med på synfaringa NVE arrangerte til Strype i Etne. Det er ikkje tvil om at engasjementet hos dei frammøtte var sterkt, og fleire stilte med både banner og t-skjorter, og ein del kritiske spørsmål til både NVE og Statnett.
I samla tropp gjekk lokalbefolkninga saman med utsendingar frå både NVE og Statnett inn til Stypeheia for ei synfaring. Føremålet med synfaringa var at NVE si leiing skal få ei oversikt over kraftleidninga si plassering i terrenget, og at representantar for lokale og regionale interesser skal få høve til å koma med utfyllande merknadar til planane. Blant dei frammøtte var både grunneigarar, kommunalt tilsette, politikarar og private personar.
— Eg er her i dag fordi eg brukar dette fjellet neste kvar veke. Kjem det store master i fjellet, blir det ikkje den same opplevinga. Å gå i urørt natur, er ikkje det same som å gå i natur der store inngrep har skjedd, seier Alexander Høyland (18).
Prislapp på 1,1 milliard
