"Kulturveka Vats" markerte ei fin avslutning med lokale artistar som snart er gryteklar med fleire oppdrag. Det ferske popbandet "Gjev" fekk det til å rykke i dansefoten hjå publikum.
FOTO: Anne-Britt Grindheim
Opningsfest samla folk
Eit nytt industriområde på Knapphus er klart, og ligg på eit forholdsvis nyetablert område der store traktorar, anleggsmaskiner og store vogntog med tilhengerar har funne sin plass. I mellomstore industribygg finn ein staden der mykje folk har samla seg. På vegen opp til opningsseremonien tirrar lukta av vaflar og grillmat.
Frå den spede start og fram til idag
Vindafjordordførar Ole Johan Vierdal er på plass og ynskjer små og store velkomne til både avslutning av Kulturveka i Vats og den offisielle opninga av industriområdet på Knapphus. Han tek dei frammøtte igjennom eit historisk resymé ifrå den spede start på området til dagens industri eventyr på den store tomta.
