Ukrainske Daria (f.v.) og Olga Havrilenkova synest Noreg er eit vakkert land. På marknaden har Olga laga ein engel og vunne fleire premiar.
Foto: Heidi Berakvam
Kom til Noreg via Russland
Ukrainske flyktningar fekk skyss til Romsa for å få med seg marknaden i helga. Daria og Olga Havrilenkova frå Mariupol synest det er ein flott plass.
Romsamarknaden gjekk for fjerde gong av stabelen i helga som var. Haukelandstunet som Kystlaget Romsa disponerer, kunne opplevast som det kanskje var på starten av 1900-talet. Dei rundt 20 aktive medlemmane stilte i gamaldagse kostyme og stelte i stand med fleire aktivitetar.
Likar naturen
Laurdagen hadde betre vêr og rundt 100 møtte opp for å få med seg marknaden og konsert med Karoline Taraldsøy. Søndagen hadde Ølen Sanitetslag ordna skyss for at ukrainske krigsflyktningar i Grannar-distriktet kunne få oppleva øya og naurperla utanfor Bjoa.
