Vindafjord J17 på på bane 28 på Ekeberg, etter 1-1 mot Malvik. Frå venstre Aslaug Frafjord Øyjord, Iben Kvigne, Julie Bakkevik, Ranveig Økland, Stina Heggebø Tveita, Anne Skeie, Sina Dalaker Miljeteig, Laila Bauge, Kaja Rygg Haugen, Live Rygg-Sørheim, Emily Alvseike Johansson, Siren Vårvik Matre, Tuva Aarekol, Ida Øygard, Ragnhild Haugen, Linnea Tjelmeland Hustoft, Kristine Velde, Sigrun Risøy og Jenny Ohm. Samt trenarane Åsmund Aarekol og Anna Innvær Øygard.
Foto: VIdar Alfarnes
Attende på Ekebergsletta
Det er mange store scener å visa seg fram på i verda. Ekebergsletta er nok ein av dei aller største. Der er også kampen om merksemd, mål og ikkje minst poeng somme tider på grensa til hjartelaus.
Nokre draumar lever framleis i beste velgåande, men når Norway Cup er komen til torsdag (dag fem av turneringa) handlar det for dei aller fleste om heilt andre ting enn eigne fotballkampar. Kanskje har dei framleis litt lommepengar att til ein tur innom tivoliet, eller nyttar dagen til ein dukkert i Frognerbadet. Om dei ikkje allereie har sett snuten heimover.
Gode mot tyskarar
Jenter 17-laget til Vindafjord heng framleis med. Men ikkje i A-sluttspelet, slik dei gjerne hadde håpa. Og etter fire poeng på dei to første oppgjera, med 3-0-siger over tysk motstand i den andre, var det lov å håpa på ein plass i dei gjævaste cuprundane.
