Over hundre barn har vore med på Sjoarløpet tidlegare. Her frå 2019. Arkivfoto
Glad for at sjoardagen er tilbake
Etter to års koronapause blir Sjoardagen arrangert i Ølen igjen. Styremedlem Mona Ljosnes Nordtveit i Ølen handel- og service trur på ein innhaldsrik dag og håpar dei klarar å lokka publikum med på festen.
Det er tre år sidan det sist blei arrangert sjoardag i Ølen, og naturleg nok er det pandemi som er årsaka til det. No gler Mona Ljosnes Nordtveit seg stort til det som skal skje laurdag. Ho representerer styret i Ølen handel- og service, som arrangerer dagen.
— Det skal bli så kjekt å arrangera Sjoardagen igjen, for å møtast ute på slike hendingar er noko dei aller fleste set stor pris på. Målet vårt er å få ut ølensbuen, og me håpar også at fleire frå nabobygdene tar turen til Ølen denne dagen, seier ho.
Fotballtriksing
