Langrennsprofilane Lucas Chanavat (f.v.), Helene Marie Fossesholm og Johannes Høsflot Klæbo gav tips til Tobias Aarekol (midten) under talentsamlinga Equinor International Junior Camp i august. Her er dei med Thea Moen (lengst til høgre), sponsorsjef i Equinor.
Foto: Morten Nordli.
På leir med stjernene
— Det har vore veldig kjekt og lærerikt. Det er kjekt å trene med dei beste i Noreg, samt frå andre nasjonar. Eg ser frem til dei kommande dagane, seier Aarekol, som representerer Vindafjord IL, til Norges Skiforbund.
Internasjonal matching
Leiren som går av stabelen på Sjusjøen 5.-12 august er eit tett samarbeid mellom arrangøren Norges Skiforbund og Equinor sitt talentutviklingsprogram Morgendagens helter. På årets samling deltar over 215 langrennsløparar frå 24 forskjellige land. Frå Noreg deltar utøvarar frå Equinor Juniorlandslaget, men også dei beste juniorløparane som kjemper rett bak desse.
