Kjersti Haugland frå Ølen er blant Noregs mest profilerte økonomar.
Arkivfoto: Arne Frøkedal
Sjeføkonom trur på dobbelt rentehopp neste veke
Sjeføkonom Kjersti Haugland i DNB Markets trur renta kan hevast med 0,5 prosentpoeng om halvanna veke.
Renta er på veg opp både i Noreg og internasjonalt. I USA har sentralbanken to månader på rad heva renta med 0,75 prosentpoeng. I Noreg vart renta før ferien heva med 0,5 prosentpoeng.
Noregs Bank har tidlegare varsla at det ligg an til at renta blir heva med 0,25 prosentpoeng på rentemøtet om halvanna veke. Sjeføkonom Kjersti Haugland i DNB Markets trur likevel det kan bli meir.
– I lys av sterke arbeidsmarknadstal og høgare inflasjon kan rentehoppet bli like stort som i juni, seier Haugland til Dagens Næringsliv.
