Butikksjef Gunn Vikingstad ved Joker Vikebygd er sterkt uroa over dei høge straumprisane.
Arkivfoto: Jon Edvardsen
Straumprisar truar drifta
Dei rekordhøge straumprisane er til hovudbry for mange lokale daglegvarebutikkar, og ved Joker Vikebygd har straumrekninga nådd nye høgder. Fortset dette fryktar dagleg leiar Gunn Vikingstad for vidare drift.
— Straumrekninga har auka ekstremt. Det er meir enn dobbelt så høge utgifter enn normalt, seier dagleg leiar ved Joker Vikebygd, Gunn Vikingstad, og fortvilar over dei rekordhøge straumprisane som er i ferd med å ta strupetak på den vesle butikken i sentrum av Vikebygd.
Korleis det vil gå med drifta om ikkje situasjonen betrar seg, bekymrar forretningskvinna.
— Eg er uroa for vegen vidare. Blir dette normalen må me gjera grep for å få det til å gå rundt. Eg har ikkje meir å gå på. Dette tærer på overskotet og finn me ikkje løysingar må me knipa inn på bemanninga, seier ho.
